ახალი მთავრობის ხარჯები – 55 000 ლარი რესტორნებისთვის, 10 ათასი – ძვირფასი კონიაკისთვის, 4 ათასი კოსტუმირებული დადგმის

სახელმწიფო ტენდერების დოკუმენტაციის მიხედვით, 2014 წელს, ფინანსთა სამინისტროს შემოსავლების სამსახურმა, სხვადასხვა რესტორნების მომსახურების შესყიდვაში 55 000 ლარი გადაიხადა. დოკუმენტაციის მიხედვით, უწყებას მომსახურებას, 4 რესტორანი გაუწევს. ერთ-ერთი ხელშეკრულება შემოსავლების სამსახურსა და ს.ს. „სასტუმრობისა და რესტორნების მენეჯმენტ ჯგუფი-ემ/გრუპ“-ს შორის გამორმდა. ხელშეკრულების მიხედვით, კომპანიის კუთვნილებაში არსებული რესტორნები მომსახურებას, შემოსავლების სამსახურის თანამშრომლებს და სტუმრებს გაუწევენ. მომსახურების ღირებულება 30000 ლარია. 5000-ი ლარის ღირებულების მომსახურება შეიძინა უწყებამ, კომპანია შპს „ციტადელ+“ -ისგან. სახელმწიფო ბიუჯეტიდან 10 000 ლარი იქნა გადახდილი, შპს „ჯი ემ თი მთაწმინდა“ -ს მომსახურებაში. აღნიშნულ ფასად კომპანიამ იკისრა ვალდებულება, მომსახურება გაუწიოს ფინანსთა სამინისტროს, შემოსავლების სამსახურის თანამშრომლებსა და სტუმრებს რესტორან „ფუნიკულიორში“. უწყების მიერ მომსახურებისთვის 10 ათასი ლარის ღირებულების ხელშეკრულება გაფორმდა შპს „აჭარულ-ლაზურთანაც“.

10 ბოთლი კონიაკი და 34 264 ევრო – რაში ხარჯავს ფულს სოფლის მეურნეობის სამინისტრო

სოფლის მეურნეობის სამინისტრომ 10 ბოთლი კონიაკის შესყიდვაში 1100 ლარი გადაიხადა. სახელმწიფო ტენდერების დოკუმენტაციის მიხედვით, სოფლის მეურნეობის სამინისტროსა და მეორეს მხრივ ს.ს „სარაჯიშვილი“-ის შორის გაფორმდა ხელშეკრულება 10 ერთეული კონიაკი „სარაჯიშვილი XO“-ს შესყიდვაზე. ერთი ერთეული კონიაკის ღირებულება 110 ლარს შეადგენს. სახელმწიფო ტენდერების ამსახველი დოკუმენტაციის მიხედვით, გარდა ძვირადღირებული კონიაკის შესყიდვისა, სოფლის მეურნეობის სამინისტრომ კომპანია „MB capital sevices GMBH“-სგან ქ. ბერლინში, ყოველწლიურ გამოფენა „მწვანე კვირეულში“ მონაწილეობის მიზნით, გამოფენის ორგანიზების მომსახურებას შეისყიდა. მომსახურების ღირებულება გაფორმებული ხელშეკრულების მიხედვით 34 264 ევროა.