(ამბები.ჯი) რა თანხა დახარჯა უგულავას მერიის აპარატმა პირად კომფორტში
თბილისის მერიის ზღაპრულ ხარჯებზე, გადახარჯვებზე, “ატკატებზე” და “აორთქლებულ” მილიონებზე “ალია” არაერთხელ წერდა. ამჯერად გთავაზობთ მერიის აპარატის იმ ხარჯებს, რომლებიც დოკუმენტურად დასტურდება.”ალიას” ფინანსისტი, “მეწარმეთა უფასო დახმარების ცენტრის” დამფუძნებელი გიორგი ჩახაია ესაუბრა:
მისი თქმით
სოლიდური თანხები დაიხარჯა ავტოსატრანსპორტო საშუალებების, საოფისე ტექნიკის, მობილური ტელეფონის აპარატების, სარესტორნე და სასტუმრო მომსახურების შესყიდვების მიმართულებით. თუმცა მინდა აღვნიშნო, რომ ეს მონაცემები ეხება მხოლოდ მერიის აპარატის ხარჯებს და მასში არ შედის მის დაქვემდებარებაში მყოფი უწყებებისა და ასევე თბილისის რაიონების გამგეობების ხარჯები.
ძვირადღირებული ავტომობილები:
თბილისის მერიამ შეიძინა 1 487 986 ლარის ღირებულების ავტოსატრანსპორტო საშუალებები. განსაკუთრებულად ძვირადღირებული ავტომობილების შესყიდვას გასულ წელს ადგილი არ ჰქონია, მაგრამ რაოდენობრივად ბევრი ახალი ავტომობილი იქნა შეძენილი. დავუშვათ, ერთი კონკრეტული ხელშეკრულებით შეძენილ იქნა 799 999 ლარის ღირებულების 47 ახალი ავტომობილი, ძირითადად, “ჰიუნდაის” მარკის სედანის ტიპის ავტომობილები, თუმცა ასევე შეძენილია სხვა მარკის ავტომობილებიც. ავტოტექმომსახურებასა და რეცხვაზე, მერიის აპარატმა დადო 340 000 ლარის ღირებულების ხელშეკრულებები, ხოლო საწვავის შეძენაზე – 1 891 470 ლარის. “ლუკოილ ჯორჯიასთან” არის დადებული ხელშეკრულებები საწვავის მიწოდების თაობაზე.
სოლიდური ხარჯები გასწია მერიამ ბიუჯეტის ხარჯზე ავეჯის შესაძენად:
2013 წლისთვის, თბილისის მერიამ ავეჯის შესაძენად გაიღო 294 478 ლარი. რამდენიმე ფაქტი: მაგალითად, 3800 ლარად შეძენილია ოვალური მაგიდა, 4000 ლარად – ნატურალური ტყავის სამეული.გარდა ამისა, შეძენილი აქვთ 692 115 ლარის ღირებულების საოფისე ტექნიკა და მათ შორის ძირითადი გახლდათ კომპიუტერული ტექნიკა, საერთო ღირებულებით 656 006 ლარი. ერთი კონკრეტული ხელშეკრულებით შეძენილია 350 ცალი ახალი პერსონალური კომპიუტერი, რაშიც დაიხარჯა 435 900 ლარი. გარდა ამისა, არსებობს შემდეგი შეძენის ფაქტებიც: 4200-ლარიანი “ლენოვოს” ფირმის პორტატული კომპიუტერი, იგივე “ლენოვოს” ფირმის 3700-ლარიანი 5 ცალი ე.წ. “ტაბლეტების” შესყიდვა და 3990-ლარიანი 2 ცალი ნოუთბუქის შეძენა, ასევე, 6 ცალი ე.წ. “აიპედის” შეძენა, საცალო ღირებულებით 1454 ლარი. რაც შეეხება მობილური ტელეფონის აპარატებს, სულ შეიძინეს 34 094 ლარის ღირებულების და, მათ შორის 17 ცალი “აიფონ 5”, რაშიც გადახდილი იქნა 24 986 ლარი, ანუ თითოეულში საშუალოდ 1469 ლარი.
თურმე მერიის წარმომადგენლები არც მადას უჩივოდნენ და რესტორნებში დახარჯული თანხებიც ფრიად შთამბეჭდავია:
სულ 2013 წლისთვის ამ მიმართულებით დაიდო 290 348 ლარის ღირებულების ხელშეკრულებები.
სასტუმრო მომსახურებაზე მერიამ 2013 წელს, სულ, დადო 202 457 ლარის ხელშეკრულებები.
საჩუქრებზე, სხვადასხვა საკვებ პროდქტებსა და სასმელებში დახარჯულ თანხებზე
