თემურ შაშიაშვილი: … ამ დღიდან სააკაშვილი ჩემთვის კორუმპირებულია
ჯერ კიდევ 1995 წელს, “მოქკავშირის” შექმნისთანავე მივმართე მის ხელმძღვანელობას, პირადად მიხეილ სააკაშვილს, წინადადებით:” ვფიქრობ, დიდი ნაბიჯი გადაიდგმება კორუფციის წინააღმდეგ და საზოგადოებაც გაჯანსაღდება, თუ ყველა დეპუტატი, მინისტრი, გუბერნატორი, მერი, გამგებელი, პროკურორი, პოლიციისა და უშიშროების თანამშრომელი – ძველიც და ახალიც – სახელმწიფო სამსახურში მისვლის შემდგომ შეძენილ სახლს, მანქანას, აქციებს, ბანკებში შეტანილ თანხებს დაუბრუნებს სახელმწიფოს. არც ერთ მათგანს იმ ხელფასით, რომელიც ეძლევა, არ შეეძლო არც ერთი ზემოაღნიშნულის შეძენა, ხოლო საუბარი მდიდარ სიდედრ-სიმამრზე – კორუფციაა და მეტი არაფერი.”
შევადგინე ხელწერილის ზოგადი ტექსტი, რომელზეც ვთხოვე ხელმოწერა ხელისუფლების უმაღლესი ეშელონის ყველა წარმომადგენელს. პირადად მე დავდე ხელწერილი და იგი საჯაროც გავხადე – გამოვაქვეყნე.
ამ ჯანსაღ პროცესს ვინც ყველაზე მეტად შეეწინააღმდეგა, პრაქტიკულად ჩაშალა – მიხეილ სააკაშვილი იყო. ამ დღიდან იგი ჩემთვის კორუმპირებულია. სწორედ ამის გამო იყო, რომ 1997 წელს საჯაროდ ვთქვი:” მიხეილ სააკაშვილი არასერიოზული, გაუწონასწორებელი და ქვეყნისთვის საშიში პიროვნებაა”. დამნაშავე ორგანიზაციებად ვთვლიდი “მოქკავშირსა ” და “აღორძინებას”. ბედნიერი ვარ, რომ არასდროს მათ არ გავკარებივარ. შექმნისთანავე დანაშაულებრივი ვუწოდე “ნაცმოძრაობას” , რადგან იგივე იყო იდეოლოგიურად, პოლიტიკურად, კადრებით,- სათავეში კორუმპირებული მიხეილ სააკაშვილით
დრომ დაადასტურა ჩემი შეფასების სისწორე.
დღეს სააკაშვილზე მეტად ის ხალხია საშიში, რომლებიც ჩემი შეფასებების ფონზე აქებდნენ და ადიდებდნენ, აფინანსებდნენ სააკაშვილს და დღეს კი წაქცეულს სცემენ.
