ხელისუფლებავ..ერის და ქვეყნის სულიერ მამას მოუსმინეთ!

“ვის უსმენთ,ვის ხელისუფლებავ.. ერის და ქვეყნის სულიერ მამას მოუსმინეთ…!

პატრიარქს არ უსმენთ,ხალხს არ უსმენთ,ჩემი აზრი რაში დაგაინტერესებთ..

თქვენთვის მთავარია,მასონებმა და სოროსელებმა შეგაქოთ,აშშ -საც კი გაასწროთ სოციალური სფეროს ლიბერალიზმში,რომ მალე მოუღოთ ბოლო ცივილიზაციის სათავეებთან მდგომ ხალხებსა და ქვეყნებს.

უარეს უნდა ველოდოთ,როცა გაყიდულ პოლიტიკოსებს,ქვეყნის გარედან მართულ პოლიტიკოსებსა და მდიდრებს ვირჩევთ..”-თემურ შაშიაშვილის კომენტარი საქართველოს პატრიარქის 5 აგვისტოს ქადაგებაზე, რომელიც საქართველოში მარიხუანას დეკრიმინალიზაციის საკითხს მიეძღვნა.

“ილია მეორე – ნარკოტიკების მოხმარებაზე ნების დართვა არის მტრობა ჩვენი ერისა ნარკოტიკების მოხმარებაზე ნების დართვა არის მტრობა ჩვენი ერისა, – აღნიშნული განცხადებით საქართველოს კათოლიკოს-პატრიარქი უწმინდესი და უნეტარესი ილია მეორე საკვირაო ქადაგებისას მარიხუანას მოხმარებაზე ადმინისტრაციული სანქციების გაუქმების გადაწყვეტილებას გამოეხმაურა.

როგორც პატრიარქმა ბრძანა, დარწმუნებულია, რომ ადამიანები, რომელთაც ეს გადაწყვეტილება მიიღეს, თანახმანი არ არიან, მაგრამ პრესის და ზეგავლენის ქვეშ აღმოჩნდნენ.

„ჩვენ ურთულეს დროში ვცხოვრობთ, როცა ადამიანს უძნელდება გაარჩიოს, სად არის კეთილი და სად არის ბოროტი, სად არის თეთრი და სად არის შავი. თუ ადამიანი მორწმუნეა, თუ ადამიანს გააჩნია ღვთის შიში, ის გაარჩევს სად არის ბოროტი და სად – კეთილი. ამ ბოლო დროს საქართველოში დიდი მღელვარება შემოვიდა. ეს მღელვარება დაკავშირებულია იმასთან, რომ ნებადართული გახდა ნარკოტიკების მიღება, ნებადართული გახდა მარიხუანას მიღება. ეს არის დიდი შეცდომა. ჩვენ უნდა გვახსოვდეს, რომ ნარკოტიკები ერთ დონეზე არ ჩერდება. რაც დრო გადის ადამიანის ბუნება უფრო მძიმე ნარკოტიკებს ითხოვს და ვეღარ იკავებს თავს. ჩვენ უნდა გვახსოვდეს, რომ ნარკოტიკების მიღების ნებართვა არის მტრობა ჩვენი ერისა. დარწმუნებული ვარ, რომ ის ადამიანები, რომელთაც გამოიტანეს ეს ნებართვა ნარკოტიკებზე, თვითონ არ არიან თანახმანი, მაგრამ იმდენად დიდია მათზე პრესი, ზეგავლენა, რომ იძულებული გახდნენ ეს დადგენილება გამოეტანათ. არ უნდა დაგვავიწყდეს, რომ თუ ნარკოტიკებს დავუშვებთ, უნდა დავუშვათ ნარკოტიკებით ვაჭრობა და ნარკოტიკების მოყვანა. მთავარი რაც არის, ეს გამოიწვევს მეზობელი ქვეყნებიდან ახალგაზრდების ჩამოსვლას – მეზობელი ქვეყნებიდან ჩამოვლენ ცხოვრების კალაპოტიდან ამოვარდნილი ახალგაზრდები და შეიქმნება მთელი ცენტრი ნარკოტიკების. ამიტომ მივმართავ ყველას, უპირველეს ყოვლისა ხელისუფლებას, ინტელიგენციას და ახალგაზრდობას, რომ გავუფრთხილდეთ სამშობლოს, გავუფრთილდეთ შვილებს, უნდა გვახსოვდეს, რომ ნარკოტიკის ყოველი გასინჯვა დაცემის დასაწყისია. მოგმართავთ თხოვნით, ნუ დაღუპავთ შვილებს, ნუ დაუშვებთ ამ უკანონობას. ღმერთმა მოგცეთ ძალა და სიბრძნე“ , – ბრძანა პატრიარქმა

წყარო: http://www.interpressnews.ge/ge/sazogadoeba/506718-ilia-meore-narkotikebis-mokhmarebaze-nebis-darthva-aris-mtroba-chveni-erisa.html

ნახეთ ასევე; ქვეყანაში, სადაც უმძიმესი დემოგრაფიული მდგომარეობაა, ვიღებთ ახალგაზრდობის მოსპობის კანონს!

 

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *