(primetimenews.ge) “საქართველოს ხალხთა ასამბლეა” დავით აღმაშენებლის ძეგლის “ვარდების რევოლუციის” მოედანზე დაბრუნების ინიციატივით გამოდის

“საქართველოს ხალხთა ასამბლეა” დავით აღმაშენებლის ძეგლის “ვარდების რევოლუციის” მოედანზე დაბრუნების ინიციატივით გამოდის და ვარდების მოედნისთვის დავითის მოედნის დარქმევის ინიციატივით თბილისის საკრებულოს მიმართავს. ამის შესახებ განცხადება “პრაიმტაიმის” პრესკლუბში დღევანდელ პრესკონფერენციაზე ორგანიზაციის წარმომადგენლებმა ფერდინანდ ლორთქიფანიძემ, ვახტანგ დავითაიამ და “თეთრების” ლიდერმა თემურ შაშიაშვილმა გააკეთეს.

“ჩვენი ინიციატივა და მოთხოვნაა რომ ვარდების მოედანზე დავით აღმაშენებლის ძეგლი დაბრუნდეს მოედანს კი დაერქვას არა ვარდების არამედ დავითის მოედანი”, – აცხადებს ფერდინანდ ლორთქიფანიძე.