(info9)„უნივერსიტეტს ღირსეული რექტორი ჰყავს“ – „თეთრები“

„თეთრები“ მიესალმებიან უნივერსიტეტის რექტორად ბატონი ლადო პაპავას არჩევას. „თბილისის ივანე ჯავახიშვილის სახელობის სახელმწიფო უნივერსიტეტს ღირსეული რექტორი ჰყავს – აკადემიკოსი ვლადიმერ პაპავა“, – აცხადებენ პარტიაში.

„ვულოცავთ სტუდენტობას, პროფესორ-მასწავლებლებს, ქართულ სამეცნიერო საზოგადოებას და მთლიანად საქართველოს ქვეყნის უპირველესი უმაღლესი სასწავლებლის რექტორად მოაზროვნე კაცის არჩევას. ოდნავაც არ ვეჭვობთ, რომ ბატონი ლადო შეძლებს ამ უნივერსიტეტის როგორც სამეცნიერო ტრადიციების, ასევე, და ეს უმნიშვნელოვანესია, დღევანდელი საქართველოსათვის, ეროვნული ტრადიციების აღორძინებას. ოდნავაც არ ვეჭვობთ, რომ უნივერსიტეტი დაიბრუნებს ქართული ცნობიერების ძლიერი საყრდენის ფუნქციას“, – აღნიშნულია „თეთრების“ მიერ გავრცელებულ განცხადებაში.