(საზოგადოება.ჯი)თეთრები: უნივერსიტეტს ღირსეული რექტორი ჰყავს

პოლიტიკური პარტია „თეთრები“ უნივერსიტეტის რექტორად ლადო პაპავას არჩევას მიესალმება. “თეთრების” მიერ გავრცელებული განცხადების ტექტს უცვლელად გთავაზობთ:

“თბილისის ივანე ჯავახიშვილის სახელობის სახელმწიფო უნივერსიტეტს ღირსეული რექტორი ჰყავს – აკადემიკოსი ვლადიმერ პაპავა.

ვულოცავთ სტუდენტობას, პროფესორ-მასწავლებლებს, ქართულ სამეცნიერო საზოგადოებას და მთლიანად საქართველოს ქვეყნის უპირველესი უმაღლესი სასწავლებლის რექტორად მოაზროვნე კაცის არჩევას. ოდნავაც არ ვეჭვობთ, რომ ბატონი ლადო შეძლებს ამ უნივერსიტეტის როგორც სამეცნიერო ტრადიციების, ასევე, და ეს უმნიშვნელოვანესია დღევანდელი საქართველოსათვის, ეროვნული ტრადიციების აღორძინებას. ოდნავაც არ ვეჭვობთ, რომ უნივერსიტეტი დაიბრუნებს ქართული ცნობიერების ძლიერი საყრდენის ფუნქციას. ეს განსაკუთრებულად სჭირდება ჩვენს ქვეყანას მისთვის მძიმე ჟამიანობის დღევანდელ ეპოქაში.”