(interpresnews.ge)რეზო ჩხეიძე საქართველოს პრეზიდენტს მიმართავს
ცნობილმა კინორეჟისორმა რეზო ჩხეიძემ საქართველოს პრეზიდენტს, გიორგი მარგველაშვილს წერილით მიმართა.“უმორჩილესად გთხოვთ, საქართველოს კონსტიტუციით განსაზღვრული თქვენი გამოსვლა პარლამენტში გახდეს კიდევ ერთი შეხსენება ჩვენი კანონმდებლებისათვის ბავშვების, ქალბატონებისა და მოხუცების, წინა ხელისუფლების უსამართლობისაგან უცხოეთში გახიზნულთა სასჯელისაგან განთავისუფლების საკითხისა”, – ნათქვამია რეზო ჩხეიძის წერილში.
აღსანიშნავია, რომ გასული წლის დეკემბერში რეზო ჩხეიძემ უკვე მიმართა საქართველოს პრეზიდენტს შემდეგი შინაარსის წერილით:
“ჩემი პოზიცია, გნებავთ, ჩემი ხვეწნა-მუდარაა თქვენდამი, საერთოდ ხელისუფლებისადმი, რომ 16 წლამდე ასაკის მოზარდი, 70 წელს გადაცილებული მამაკაცი, 65 წელს გადაცილებული ქალი, საერთოდ ქალბატონი, რომელთაც არ ჩაუდენიათ ქვეყნისთვის საშიში, ან ადამიანის სიცოცხლის ხელმყოფი დანაშული, განთავისუფლდნენ სასჯელის მოხდისაგან”, – წერდა რეზო ჩხეიძე.
წყარო/Source: http://www.ambebi.ge/sazogadoeba/96452-rezo-chkheidze-saqarthvelos-prezidents-mimarthavs.html#ixzz2svl89046
Facebook Comments
