(reportiori.ge)თემურ შაშიაშვილი: წინა ხელსუფლებზე უკეთესი არ ნიშნავს ხელისუფლებას, რომელსაც იმსახურებს საქართველო

ეს განცხადება პარტია „თეთრების” ლიდერმა თემურ შაშიაშვილმა  „რეპორტიორის” პრესკლუბში  გამართულ ბრიფინგზე  გააკეთა.

„ პარტია „თეთრები”  დღეს გამოაქვეყნებს სპეციალურ განცხადებას სახელწოდებით, „წინა ხელსიუფლებაზე უკეთესი არ ნიშნავს ხელისუფლებას, რომელსაც იმსახურებს საქართველო”.

დღეს ქართულ პოლიტიკაში მომრავლდნენ ადამიანები, რომლებიც ერთი პარტიიდან მეორეში მოგზაურობენ და ღალატობენ საკუთარ პარტიებს. ასევე მომრავლდნენ ისეთი ლიდერები, რომლებსაც მოღალატეები მოსწონს და ღებულობენ.

ადვილია ისაუბრო იმაზე რა ხდება, მაგრამ ძნელია ანალიზი გაუკეთო და ახსნა ის, რა მოყვება ამ ყველაფერს. 20 წელზე მეტია მუდმივ საარჩევნო რეჟიმში ვართ. ვნახეთ გამარჯვებული პარტიები და მუდმივად დამარცხებული საზოგადოება.”- განაცხადა თემურ შაშიაშვილმა.