(რეპორტიორი) თემურ შაშიაშვილი: ბრძენის სიტყვებს მხოლოდ ბრიყვები უარყოფენ
პარლამენტში ანტიდისკრიმინაციული კანონის განხილვასთან დაკავშირებით „თეთრების“ ლიდერი თემურ შაშიაშვილი სამოქალაქო დაპირისპირებას პროგნოზირებს, რომელიც მისი აზრით, განსაკუთრებულ მასშტაბებს მიიღებს:
„პოლიტიკოსთა უმრავლესობა განსაკუთრებული აღტაცებით იწონებს პატრიარქის ეპისტოლეებს, არჩევნების წინ მათი ძირითადი საყრდენი ეკლესიაა, პატრიარქს უკლებლივ ყველა უწოდებს ბრძენს, მაგრამ მათი უმრავლესობა მის არც ერთ თხოვნას, მოწოდებას, ეპისტოლეებში ჩამოყალიბებულ მოსაზრებებს არ ითვალისწინებს, პრაქტიკულად უარყოფს. თუ გულწრფელი ვართ პატრიარქის შეფასებებში, რომ იგი ბრძენია, მაგრამ არაფერს მისას არ ვითვალისწინებთ – ეს სრული გაუგებრობაა… ბრძენის სიტყვებს მხოლოდ ბრიყვები უარყოფენ,“ – აცხადებს „თეთრების“ ლიდერი.
Facebook Comments