(reportiori.ge)თემურ შაშიაშვილი: ჩემსა და სხვა კანდიდატებს შორის განსხვავება ერთ მარტივ რამეშია

ჩემსა და სხვა კანდიდატებს შორის განსხვავება ერთ მარტივ რამეშია – ისინი ქუთაისელებს პირდებიან იმას, რისი გაკეთებაც შეუძლიათ და იმასაც რისი გაკეთება არ შეუძლიათ. მე კი ქუთაისელებს ვპირდები რომ მოქმედებაში მოვიყვან იმას, რისი პოტენციალიც ქუთაისს გააჩნია და ქუთაისის პოტენციალი 20-ჯერ მეტია, ვიდრე ის დაპირებები, რასაც სხვა კანდიდატები იძლევიან” – ეს განცხადება ქუთაისის მერობის კანდიდატმა ბლოკიდან ბურჯანაძე ერთიანი ოპოზიცია თემურ შაშიაშვილმა გააკეთა.

თავის წინასაარჩევნო პრიორიტეტებზე საუბრისას თემურ შაშიაშვილმა ხაზი გაუსვა მართვის სისტემის შეცვლის აუცილებლობას.

„მე ვპირდები ქუთაისს, რომ მთლიანად შევცვლი მართვის სისტემას. ჩემი მერობის შემთხვევაში ხელისუფლება იქნება ხალხის მსახური და არა ბატონი! გარდა ამისა, ჩემი პრინციპია, რომ მასწავლებლის ხელფასი ერთი ლარით მეტი უნდა იყოს ქალაქის მერის ხელფასზე და თუ ხელს არ შემიშლიან, მე ამას გავაკეთებ. იმიტომ, რომ ერთხელ უკვე მაქვს ეს გაკეთებული, როცა ქუთაისის მერი ვიყავი! – აღნიშნა შაშიაშვილმა.

თემურ შაშიაშვილს მიაჩნია, რომ რომ ქუთაისი უნდა გახდეს საუნივერსიტეტო ქალაქი:

„ვიღაცას მიაჩნია,რომ ქუთაისში უნდა იყოს პარლამენტი, მე კი ვამბობ,რომ ეს არის აბსურდი ქვეყანას უნდა გქონდეს ერთი პოლიტიკური ცენტრი და იგი უნდა იყოს თბილისში, როგორც ეს დავით აღმაშენებელმა გააკეთა და ძლიერი ქვეყანა შექმნა, ,ხოლო ქუთაისი ერთდროულად უნდა იყოს საუნივერსიტეტო, სამეცნიერო,-კულტურული ცენტრი და ინტელექტუალური ბიზნესის ქალაქი!” – ამბობს შაშიაშვილი.