(ინფო9 ) შაშიაშვილი: თუ ხელისუფლება ამას არ გამოიძიებს, ასპარეზიდან უნდა წავიდეს
შაშიაშვილის შეფასებით, თუ ხელისუფლება დანაშაულს ვერ გამოიძიებს, ეს იმას ნიშნავს, რომ თავად ხდება პროცესის მონაწილე.
როგორც შაშიაშვილმა იური ვაზაგაშვილის პანაშვიდზე განაცხადა, ხელისუფლებას მკვლელობის გამოუძიებლობის შემთხვევაში, ასპარეზიდან წასვლა მოუწევს.
„კარგი იქნება თუ აღმოჩნდება, რომ ეს ქართველს არ გაუკეთებია. ეს არის საშინელება. ესროლეს ყველას. ესროლეს ამ ხელისუფლებას და დააგდეს მიწაზე. თუ ხელისუფლებამ ვერ შეძლო ამის გახსნა, ისევე როგორც კიწმარიშვილის საქმე გაუხსნელია, ეს ნიშნავს იმას, რომ თავად მონაწილე ხდება ამ პროცესის.
საქართველოში იქმნება ემოცია სპეციალურად, რომ მყვირალა პოლიტიკოსები მოვიდნენ ხელისუფლების სათავეში. ჩვენ დღეს ცოცხალმკვდარი ვართ. თუ ამ გმირი კაცის მკვლელი ნაპოვნი არ იქნება, ჩვენ ვიქნებით ლაჩრები. თუ ხელისუფლება ამას არ გამოიძიებს, ასპარეზიდან უნდა წავიდეს და წავიდეს იმაზე უარესად, ვიდრე თავად წარმოუდგენია,“ – განაცხადა ვაზაგაშვილმა.
ზურამ ვაზაგაშვილის სახელობის საზოგადოებრივ დარბაზ „ჯაზუში“ გარდაცვლილ იური ვაზაგაშვილის პანაშვიდი მიმდინარეობს, სადაც საზოგადოების წევრები არიან შეკრებილნი.
