(sazogadoeba)თემურ შაშიაშვილი: ძალიან ცოტაა იმ ადამიანთა რაოდენობა, ვინც ეკლესია ააშენა , ქველმოქმედება გასწია და პოლიტიკური დივიდენდი არ მოითხოვა
ამ დღეებმა ჩემი აზრით ყველა მოაზროვნე და ქვეყანაზე მოფიქრალი დაარწმუნა, რომ “ნაცმოძრაობა”, როგორც დანაშაულებრივი ორგანიზაცია გასასამართლებელია, „ქართული ოცნება” – გასაშვები და მოსაყვანია ახალი ძალა,რომელიც პროფესიონალებით იქნება დაკომპლექტებული და ქვეყნის გარედან არ მოიმართება. – განაცხადა „თეთრების“ ლიდერმა, თემურ შაშიაშვილმა.
„ასეთი მძლავრი ძალა არ არსებობს დღეს საქართველოში… პოლიტიკოსთა აბსოლუტურ უმრავლესობას პატრონი გარეთ ჰყავს… ხალხი მიტოვებულია… ასეთი ძალა შესაქმნელია და ამაზე სერიოზულად უნდა იფიქრონ სახელმწიფო კაცებმა,მეცნიერებმა,მოღვაწეებმა,ანუ იმ ხალხმა,ვისაც თვითონ კი არ უნდა ხელისუფლებაში მისვლა, არამედ სურს ძლიერი საქართველო და მთელი ცხოვრება ამ განწყობით ცხოვრობდა. თეთრების ლიდერის აზრით, ქვეყნის დღევანდელი სავალალო მდგომარეობა სწორედ პოლიტიკურ პარტიათა და პოლიტიკოსთა თავგასულობის შედეგია. მისი თქმით, პოლიტიკოსები ხალხს კი არ უნდა ეუფროსებოდნენ, არამედ ბოდიშს ვუხდიდნენ შექმნილი ვითარებისთვის და მათთან გულწრფელი, დათათბირებით ფიქრობდნენ მომავალზე.
ქვეყნის გადარჩენა არც ბელადშია და არც მილიარდელში-მხოლოდ პროფესიონალ,მოაზროვნე და განათლებულ ადამიანებშია და არა მყვირალა და რადიკალ, ქუჩის პოლიტიკოსებში, რომლებსაც მათ უცხოელი პატრონები აფინანსებენ და მფარველობენ. საქართველოში უნდა დამთავრდეს პოლიტიკურ სამთავროებად დაყოფა, კინკლაობა და დაპირისპირება, ერთმანეთთან კი არა, საქართველოსთვის უნდა ვიბრძოდეთ. ასე მოქცევა კი მხოლოდ სახელმწიფო კაცებს, მეცნიერებს, მოღვაწეებს, მოაზროვნე ადამიანებს შეუძლიათ. თუმცა ეს რთული გზაა, მაგრამ გასავლელი, თუ გვინდა საქართველოში დამთავრდეს ქუჩიდან მოსული ხელისუფალთა ერა.
„თეთრების“ ლიდერის აზრით, ხალხმა განსაკუთრებულ სიფრთხილე უნდა გამოიჩინოს საქველმოქმედო ფონდების შემქმნელთა და ეკლესიების მშენებელთა მიმართ. მისი აზრით, „დღემდე ძალიან ცოტაა, პრაქტიკულად ნულთანაა ახლოს იმ ადამიანთა რაოდენობა, ვინც ეკლესია ააშენა , ქველმოქმედება გასწია და პოლიტიკური დივიდენდი და მხარდაჭერა არ მოითხოვა. ეს საშინელებაა…“ – აცხადებს თემურ შაშიაშვილი.
