(რეპორტიორი) თემურ შაშიაშვილი NDI-ს კვლევებს ეხმაურება
„თუ კაცები ვართ, თუ გვაქვს ქართული სისხლი, დავდგეთ საქართველოსთვის!” – ასე ეხმაურება „თეთრების” ლიდერი თემურ შაშიაშვილი NDI-ის მორიგ კვლევებს.
„თეთრების” ლიდერი მიიჩნევს, რომ NDI-ის კვლევებს არავითარი საერთო არ აქვს მეცნიერულ საფუძვლებზე დამყარებულ კვლევასთან.
„NDI რეალობას კი არ ასახავს, ის აკეთებს იმას, რაც უნდა შემკვეთს, ანუ NDI-ის მიერ გაკეთებული „კვლევა” არის ნიშანი იმისა, რა პოლიტიკურ ძალთა განლაგება სურს იხილოს საქართველოში ევროატლანტიკური და ამერიკული პოლიტიკური ისტებლიშმენტის ყველაზე რეაქციულ ძალებს; ხდება საქართველოს მოსახლეობის რეალური აზრის იგნორირება, გაყალბება, უცხოელ პატრონთა სურვილის გასაღება ქართველი ხალხის ნებად, სხვა არაფერია, თუ არა ქვეყნის მოსახლეობის სულიერი მოწამვლა, ეროვნული ცნობიერების ნგრევა”, – აცხადებს „თეთრების” ლიდერი.