(gmtv.ge)რომან რურუა:“საქართველოს გზა – დავით აღმაშენებლის გზაა”
“საქართველოს გზა – დავით აღმაშენებლის გზაა” – ასე ფიქრობს ყოველი მოაზროვნე ქართველი… მუხლი მოვიდრიკეთ და იგივე გავიმეორეთ უდიდესი მოაზროვნის საფლავთან გელათში. `ტახტზე ფიქრია იოლი, დავითობაა ძნელი~ – დიდი პოეტის, ტარიელ ხარხელაურის მიერ აქ წაკითხულმა ამ ბრწყინვალე ლექსმა დღევანდელობა კიდევ უფრო მძაფრად შეგვაგრძნობინა…
ჩვენ გვინდა, რომ საქართველოს გეოგრაფიული მდებარეობა ვაქციოთ პოლიტიკად, როგორც ეს დიდმა დავით აღმაშენებელმა შეძლო და შევცვალოთ პარტიებისა და პოლიტიკოსების მიერ ხელისუფლებისთვის ბრძოლის მთავარ პრინციპად დამკვიდრებული, პრაქტიკულად, ქვეყნის დამანგრეველი მოდელი _ საქართველოს ზესახელმწიფოთა ინტერესების დაპირისპირების ადგილი (სწორედ ადგილად გვთვლიან, რაც ძალიან სამწუხაროა).
ჩვენი ამოცანაა, საქართველო გადავაქციოთ ქართულ სახელმწიფოებრივ ინტერესზე სხვა სახელმწიფოთა, მათ შორის, ზესახელმწიფოთა ინტერესების ზედდების ქვეყნად.
ასეთია, `ქართული ერთობის დარბაზის~, საქართველოს ხალხთა ასამბლეისა და მეცნიერთა საინიციატივო ჯგუფის `ეროვნული თანხმობისათვის~ პოზიცია. ამაში კიდევ ერთხელ დავრწმუნდი ამ რამდენიმე ხნის წინ სოხუმში ყოფნისას, აფხაზ მოგობრებთან საუბრისას.