“ემიგრანტთა განწყობა – გადაძახილმა” 1000 ზე მეტი ქართველი ემიგრანტის მხარდაჭერა მოიპოვა
1 და 2 ივნისს, „თეთრების“ ლიდერი, თემურ შაშიაშვილი შეხვდა თესალონიკსა და ათენში მცხოვრებ ქართველ ემიგრანტებს. როგორც მან განაცხადა, ქართველი ემიგრანტები აქტიურად აპირებენ საქართველოს პოლიტიკურ ცხოვრებაში ჩართვას. მათ ერთობლივად მიიღეს დოკუმენტი: “ემიგრანტთა განწყობა – გადაძახილი მომავლის საქართველოსთვის” , რომელიც ორი დღის განმავლობაში, ათენსა და სალონიკში, სხვადასხვა ფორმით 1000-ზე მეტი ქართველი ემიგრანტის მონაწილეობით იქნა განხილული და მიიღო სრული მხარდაჭერა..
“დიდი მადლობა ყველას, ვინც ქვეყანაში თუ ქვეყნის გარეთ დაგვეხმარება ამ დოკუმენტის განხილვაში”, – აცხადებს „თეთრების“ ლიდერი.
მისი თქმით, ივნისის ბოლომდე ის განხილული იქნება კიევში , მინსკში, პეტერბურგში, მოსკოვში,ბერლინსა და გერმანიის რამდენიმე ქალაქში, სტამბულსა და თურქეთის რამდენიმე ქალაქში.
პრეს-ცენტრი
03.06.2013წ