პირდაპირ და სრული დაჯერებით ვამბობ…

irina დეკემბერი 12, 2020

1, 097

პირდაპირ და სრული დაჯერებით ვამბობ: კონკურენტული საარჩევნო გარემოს პირობებში, “თეთრები” პირველთა რიგებში იქნებოდა და მე – დეპუტატი ქუთაისიდან და ეს ქვეყნისთვისაც კარგი იქნებოდა და, ვფიქრობ, ქუთაისისთვისაც!

იხ. რით მოვდივართ „თეთრები“, რას ვპირდებით ხალხს, ანუ ხელშეკრულება ხალხთან, თითოეულ ამომრჩეველთან, საზოგადოების სხვადასხვა ფენის წარმომადგენელთან“.

იხ. „თეთრების“ მიმართვა საქართველოს მოსახლეობას

ვოცნებობ ეროვნული იდეით გაერთიანებულ საქართველოზე და ისეთ ინტელიგენციაზე….

წერილი ჯანსაღი დისკუსიისთვის და ამასთანავე,პასუხი ყველას,ვინც გულწრფელად, თუ ნიშნის მოგებით,ან ქილიკით ინტერესდება, როგორია “თეთრების” შედეგი არჩევნებში!

მოგესალმებით,ბატონებო,

დიდი მადლობა,რომ თქვენ მუდმივად ინტერესდებით ჩემით და “თეთრებით”…ბევრი გულწრფელად და მხარდაჭერით, რაც გვაძლიერებს და პასუხისმგებლობასაც გვიქმნის… საკმაოა იმ ადამიანების რაოდენობაც, რომლებიც ყოველთვის უარყოფით, ცინიკურ კონტექსტში მოგვიხსენიებთ..

ამაში ცუდს ვერაფერს ვხედავ, ყოველი ადამიანი თავისუფალია მისი მორალისა და აზროვნების ფარგლებში.

არც იმაში ვხედავ პრობლემას, რომ ძირითადში მუდმივად “ოცნების” მხარდამჭერები ბრძანდებით,მეტიც, მოხიბლული ხართ ივანიშვილით და სხვა ყველა თქვენთვის არარაობა ვართ…ესეც პოლიტიკური (და არა მარტო) გემოვნების საკითხია.

“თეთრებმა” რეალურად რამდენი პროცენტიც მივიღეთ, ეს იციან მხოლოდ “ოცნებაში”, რა დაგვიწერეს ეს იციან საარჩევნო კომისიაში. სურვილის შემთხვევაში შეგიძლიათ ნახოთ 20 ათასზე მეტი კაცის საჯარო განცხადება,რომ ჩვენ გვაძლევდნენ ხმას…ასევე, შეგიძლიათ ნახოთ 100- მდე ადამიანის საჯარო ჩანაწერი,რომ ხმა მოგვცეს და იმ უბანზე არც ერთი ხმა არ გვაქვს.

ჩვენ ვთვლით, რომ მოხდა ტოტალური გაყალბება და აქ მთავარი იყო ის სისტემა,რომელიც “ნაციონალებმა” შექმნეს და დაამკვიდრეს და წარმატებულად განავითარა “ოცნებამ”..

საქართველოში გაყალბება არჩევნებამდე გაცილებით მეტად ხდება,ვიდრე არჩევნების დღეს . მთავარია,ვინ მეტ ამომრჩეველს მოისყიდის…კოლოსალური მოსყიდვა მოხდა იმ პარტიების მიერ, რომლებიც ნათელაშვილის ოფისში იკრიბებოდნენ . ამის მაგალითია გრიგოლ ვაშაძე, რომელმაც,პრაქტიკულად მოიგო ქუთაისში, სადაც,ხატოვნად რომ ვთქვათ, ორჯერ იყო ნამყოფი. ეგზიტპოლის მონაცემებით, მას ჰქონდა 52 პროცენტამდე,სახელისუფლებოს – 21…შუაღამეზე, კი,გასაგებია რა მაქინაციებითაც და ვის ხარჯზე, სახელისუფლებოს 45- მდე, ვაშაძეს – 43,თუ 44.. ვფიქრობ ყველაფერია ნათქვამი…

გაყალბებას არც ხელისუფლებამ დააკლო ხელი. არჩევნებამდე და არც ჩევნების დღეს. არჩევნებამდე ორი თვით ადრე გაჭირვებულთა სამედიცინო და სოციალური მომსახურების მოცულობა, ადგილობრივ და ცენტრალურ ბიუჯეტებში რამდენიმე ასეული მილიონით გაიზარდა.არის კიდევ საჭირო სხვა არგუმენტი?აღარაფერი ვამბობ იმაზე,რომ თურმე, არჩევნებზე 2 მილიონზე მეტი ადამიანი მივიდა. სასაცილოა. .ამდენი საერთოდ აღარ დავრჩით საქართველოში.

ვიცი, ვისაც გწერთ, განათლებული ადამიანები ბრძანდებით და სწორედ .ამიტომ ვკითხულობ, თუ მთელი საარჩევნო წლის განმავლობაში, ვინმეს ვუნახივარ რომელიმე ტელევიზიაში,,ბოდიშს მოვიხდი და საერთოდ არ მივეკარები პოლიტიკას.. მხოლოდ პირველ არხზე მომცეს 5 წუთი პროგრამის წარსადგენად და არჩევნების წინ 10 პარტიასთან ერთად ვიყავი ერთსაათიან გადაცემაში. თუ ეს ნორმალურია,ანუ ჩვენ 10 წუთი და არც ერთს,ვინც ბარიერი გადალახა,მინიმუმ 100 საათი,დიახ,მინიმუმ,100 საათი.ეს მაშინ,როცა ბიძინა ივანიშვილმა ჯერ კიდევ გასული წლის ივლისში განაცხადა,რომ საარჩევნოდ ყველას ერთნაირი სასტარტო მოედანი ექნებოდა.

მეტიც, ნახეთ რა ფული აქვთ მიღებული პარტიებს ბიუჯეტიდან. ჩვენ არც ერთი ლარი..

კიდევ მეტი,მაჩვენეთ ერთი ბანერი ან პლაკატი,რომელიც ჩვენ გვქონდა სადმე. სხვა ყველამ უზომო რაოდენობით, თან უგემოვნოდ, სრულად პროვინციულად – სახელმწიფო ფულის ხარჯზე გააკეთა.

ნებისმიერს შეუძლია ჩაატაროს გამოკითხვა მისსავე ნაცნობებში და დაადგენს,რომ მინიმუმ 40 პროცენტმა არ იცოდა,რომ არჩევნებში ვიღებდით მონაწილეობას, 80 პროცენტზე მეტმა არ იცოდა,რომ “თეთრების” სია მეცნიერთა უმკაცრესი კრიტერიუმებით შედგა და უშუალოდ მეცნიერებმა შეადგინეს. 90 პროცენტმა არც ის იცოდა,რომ “თეთრები” საარჩევნო ბიულეტენში პირველი იყო; რომ მე საარჩევნო სიის პირველი ნომერი ვიყავი… .ამ გამოკითხვით დადგინდება,რომ 99 პროცენტს არ ეცოდინება არც ჩვენი პროგრამა, რომელიც ,საეჭვო არ არის,,ყველაზე უკეთესია,შედგენილია მეცნიერთა მიერ და სრულად გამოხატავს ხალხის ინტერესებს და არც მეცნიერთა მიერ გაკეთებული დასკვნა ეცოდინებათ იმის თაობაზე,რომ დღეს არა პარტიების ,არამედ პროფესიონალთა ხელისუფლების, პიროვნებათა პარლამენტის და ხელისუფლების დროა.

სწორედ ამ განწყობის წერილით მივმართეთ ჩვენ ყველა პოლიტიკურ პარტიას, ნათელაშვილის ოფისში ერთპირშეკრულთ და ბატონ ივანიშვილს ცნობილმა მეცნიერებმა ჩააბარეს არჩევნებამდე რამდენიმე თვით ადრე.. პასუხი დღემდე არ არის. პასუხი არ მიუღიათ მეცნიერებს ქვეყნის პირველ პირებთან გაგზავნილ უამრავ წერილზე,(“იმედის წერილი” პრემიერ გ.კვირიკაშვილს, მიმართვა პარლამენტის თავმჯდომარეს(ი.კობახიძეს, წერილი საქართველოს პრეზიდენტს,

წერილი საქართველოს პარლამენტის თავმჯდომარეს, არჩილ თალაკვაძეს)) ქვეყნის პირველი პირებისთვის გაგზავნილ, ქვეყნის განვითარების კონცეფციაზე -“გზა ცივილიზებული სახელმწიფოსკენ” და პროგრამულ დოკუმენტზე ,,ახალი განზომილება – რა შევცვალოთ, რომ გადავრჩეთ“,

დაუჯერებელია,მაგრამ ფაქტია,რომ 3 წლის წინ ქვეყნის ყველა პირველ პირს ჩაბარდა “ხალხის წერილი“,რომელსაც 100 000 (ასიათასი ) ადამიანი აწერს ხელს და ისევ ყრუ კედელი.ამ წერილებში სწორედ ის პროგნოზია გაკეთებული,რაც რეალურად ხდება დღეს ქვეყანაში,მაშინ,როცა სრულიად სხვა სიტუაცია იქნებოდა,ვიდრე დღეს არის,თუ წავიდოდით თანამშრომლობის გზით და არა დაპირისპირების (იხ

დარჩეს ამ წელში ნათქვამად)

ბატონებო, ისე,როგორც თქვენ,მეც ვოცნებობ ეროვნული იდეით გაერთიანებულ საქართველოზე და ისეთ საქართველოზე,სადაც ინტელიგენცია პოლიტიკური მხარე კი არ არის,არამედ აერთიანებს საზოგადოებას, მიუხედავად მათი პოლიტიკური შეხედულებებისა,სადაც ინტელიგენცია ხელისუფლებას კი არ იცავს ხალხისგან, როგორც ეს დღეს არის,არამედ ხალხს იცავს ხელისუფლებისგან…

დამერწმუნებით,ეს სხვა საქართველო იქნება..

მზად ვარ,ვისაც ეს საკითხები აწუხებს,თუნდაც მე მისთვის მიუღებელი ვიყო, პირადად ვეახლო,გადავცე ეს დოკუმენტები და ჩავერთო რეალურ დისკუსიაში.

ეჭვი არ მეპარება, ყოველი მოაზროვნე ადამიანი დარწმუნდება,რომ ქვეყნის გადარჩენა კონკურენტულ გარემოშია,რომ რეალური კონკურენციის პირობებში ადამიანები, საზოგადოება, ქვეყანაც დაცული იქნება და სრულიად სხვა პოლიტიკოსები, ბიზნესმენები,თუნდაც,მეცნიერები იქნებიან არენაზე,ვიდრე დღეს არიან და ყელყელაობენ-ყალბი ეროვნული პათოსით, დემოკრატიის თამაშით,სოციალური დემაგოგიით,ელიტარული კორუფციით.

პირდაპირ და ყოველგვარი მორიდების გარეშე ვამბობ,კონკურენტული საარჩევნო გარემოს პირობებში “თეთრები” იქნებოდნენ პირველთა რიგებში. ეს არის პასუხი კითხვაზე,რამდენი პროცენტი ავიღეთ არჩევნებში და ამავე განწყობით ვიწვევ ყველას საჯარო დისკუსიაში. მზად ვართ, მივიღოთ ამ დისკუსიის თქვენეული წინადადება, გეწვიოთ ნებისმიერ ჯგუფში, აუდიტორიაში,საინფორმაციო სივრცეში.

ბატონებო, ამ წერილით გიდასტურებთ ღრმა პატივისცემას და თანამშრომლობის სურვილს,მიუხედავად თქვენი ჩემდამი მძიმე განწყობისა.არც იმას ვეჭვობ,რომ თქვენ ბევრი რამ არ იცით და ჩვენი შეხვედრები,დისკუსია,ჩვენ კი არ დაგვაცილებს,დაგვაახლოებს რადგან ვიცი,კარგად ვიცი,რომ ეროვნული კაცები ხართ,უდიდესი დამსახურებით სამშობლოს წინაშე…

და კიდევ ერთი, ხელისუფლება აზროვნებაა და არა ასაკი!

სიკეთე თქვენთან!